دقــة قــلــب - عجيبة يا دنيا

عجيبة يا دنيا

عجيبة يا دنيا و زمانك عجيب

بتدى اللى ما يستاهل و الباقى فيكى غريب

و الناس وحوش من غير وشوش

و كل القلوب ماتت ولا عادش ليها قريب

يبقا ازاى نسامح اما السماح مش عيب

جراح و ياما داوينا

و غربة منها قاسينا

و نهر ما يروى عطش أيامنا و ليالينا

دقنا المرار و الذل و دمع العين خبينا

و برده لسه الحياة ما بتدى فرحه لينا

فى يوم انا قلت يمكن خير

و زرعت أمل غالى كبير

لقيت الناس بعدها ميت فيها الضمير

و فى سجن حيطانه عالية رمونى و بقيت أسير

طب فين بقا التقدير

ولا القلوب الصافية مبقاش ليها تأثير

على فين يا دنيا واخدانا

و يا ترى هنلاقى فيكى فرحنا ولا هيزيد أسانا

ولا الجراح هتكبر جوانا

أرجوكى كفاية و سيبينا

نعيش يوم فرح و نشوفه بعنينا

و كفاية بقا تجريح فينا

يا دنيا عجيبة و ذلانا